花墟隱世：別緻又僻靜茶室+勁好味芝士餅？
呢間傳統茶館，十幾年嚟主要開班教授潮友沏茶、品茶技巧為主，一室放滿陶器茶具、木枱、書、同擺設，由往年暑假開始提供食物，如果潮友book到位，就可以坐到落地玻璃窗梳化位，嘆嘆茶，食件cake，睇吓書，傾吓偈⋯夠哂relax，任你坐，都無人會趕你～
一份兩版嘅Menu主要提供中國茶、花茶同咖啡，意粉、燴飯就可以喺黑板上揀，甜品好似曲奇、芝士蛋糕全部都係全家製，前者煮食需時，好似PND咁就邊飲茶邊等咗30分鐘先有得食，呢度悠閒嘅節奏未必適合「快、大件夾抵食」嘅潮友～ 《野菌黑松露意粉》$95，一上枱就聞到黑松露味超級香，意粉、野菌份量好足料，新鮮煮起熱辣辣無得頂。
玫瑰花茶，茶香清香醒神，可以加蜜糖飲更加滋潤，值得一讚嘅係花茶有加水服務！潮友可以慢慢享受慢慢品茶！
高水準！！！兩粒菇菇原來係蛋白脆脆，非！常！有驚喜嘅《豆腐芝士蛋糕》賣相非常吸引，而且PND一食就停唔到口！豆腐味非常濃厚，好似食緊甜甜滑滑嘅豆腐咁，但食落有芝士香，加埋香脆餅底，十級好味！
好雪片片
備註：茶班詳情可上「好雪片片Facebook」查詢
電話：26681810（!!!! 去前必需預約book位 !!!!!）
星期一至日 12:00-00:00
｛星期三休息｝
#PND太子 #PND甜品 #PNDcafe
@太子洗衣街223號1樓
Search